ဖေဖေ နဲ့ မေမေ

ညီမ တခါမှ အမေ ပို့စ်ရော အဖေ ပို့စ် ရော မရေးဖူးပါဘူး ဘာလို့လဲ ဆိုတော့ အဖေ တယောက်တည်းချဉ်းပဲ သီးသန့်ရေးလို့ မရဘူးလေ အမေ ပါပါလာဦးမှာ ပြီးတော့ ညီမတို့ရဲ့ ဒုတိယ မေမေ (ကြီးကြီး အမေ့အမ ) တို့လဲ ပါသေးတယ် ဒါနဲ့ သက်သက် မရေးဖြစ်ဘူး အခုမှ တခါတည်း ပေါင်းပြီး ရေးမယ်လေ

ပြောရရင် ညီက မောင်နှမထဲမှာ ဒုတိယ အလတ်ပေါ့လေ သူများတွေလို လပ်မနေဘူး မေမေက အကုန်လုံးကို ဂရုစိုက်တယ် ဒီကြားထဲပိုဆိုးတာက ညီမ က ငယ်ငယ်ကတည်းက ချူချာ တယ် ကျန်းမာရေးမကောင်းဘူး ဆိုတော့ ပိုဆိုးတာပေါ့လေ ပိုပြီး ဂရုစိုက်ခံရတယ် ငယ်ငယ်ကဆိုရင် ဘယ်လောက်များလဲ ဆိုတော့ တလတခါလောက်ကိုပုံမှန်ဖျားတာ တခါတလေ ၂ ပတ် တခါ အဲဒါကြောင့်မို့တူပါရဲ့ လူက ညှပ်နေတာလေ အငယ်မလေးက ညီမထက် ပိုထွားတယ် အကိုလဲထွားတယ် ညီမပဲ အလယ်မှာ ညှပ်စိလေး ဖြစ်နေတာ ဟဟဟ ညီမ ဖျားပြီဆိုရင် မေမေ က မနေရတော့ဘူး လေ အကုန်လုပ်ပေးရတာ ည စောင့်အိပ်ပေးတာတို့ပေါ့လေ ဒီကြားထဲ ညီမကလဲ ဂျေးများသေးတယ် ခေါက်ဆွဲပြုတ်ဆိုရင် မစားချင်ဘူး ကြက်စွပ်ပြုတ်လုပ်ထားရင် အီတယ် မစားချင်ဘူးနဲ့ မေမေ့မှာလေ ချော့တလှည့်ချောက်တလှည့်နဲ့ ကျွေးရတာ ညီမ ကို ဒီကြားထဲ သိပ်လဲ မကျွေးရဲဘူး ညီမက မကျေနပ်ရင် ပြန်အန်ထုတ်တာကလဲ ပိုသေး အဲဒါကြောင့် ညီမ မကြိုက်တာဆိုရင် သိပ်မကျွေးရဲဘူး ကြောက်နေရတယ် ကြည့်ကျွေးရတယ် ငယ်ငယ်က ဆို ပိန်တာရိုးလေး ပိန်ပိန်လေး အခုမှသာ ဘယ်လိုဖြစ်ပြီး ဝ ချင်တိုင်း ဝ နေလဲ မသိပါဘူး အဟက်

မှတ်မှတ်ရရပေါ့ ညီမ အသက် ၁၈ မပြည့်ခင် တရက်အလိုမှာ ရင်ဘတ်တွေ ကျောတွေ အောင့်တယ် ဆိုပြီး ဆရာဝန်သွားပြတာ ညီမက ငယ်ငယ်ကတည်းက နှလုံးအားနည်းတဲ့ ရောဂါရှိတယ် နှလုံးရောဂါတော့မဟုတ်ဘူး ပေါ့လေ မွေးရာပါဆိုရမှာပေါ့လေ ဆရာဝန်က ဆေးရုံတင်ပါဆိုလို့လေ မေမေ့မှာ ပြာယာခတ်သွားတာပဲ တော်သေးတယ် ကြီးကြီးတို့ မမကြီးတို့က အိမ်မှာ လာစောင့်ပေးတယ်လေ ဒီကြားထဲ အငယ်မလေးကလဲ ၉ တန်းဆိုတော့ အိမ်မှာ ဝိုင်းကျူရှင် ဆရာမတွေ နဲ့ဆိုတော့ အကုန်လုံး အိမ်မှာ ရှိတဲ့ ဆရာမတွေ ဧည့်ခံတာတို့ ဘာတို့တွေ ကြီးကြီးတို့တွေ ပဲ လုပ်ပေးတာလေ ဒါကြောင့်လဲ မေမေ က ညီမကို ဆေးရုံမှာ လိုက်စောင့်ပေးနိုင်တာပေါ့ မဟုတ်ရင် ဗျာများနေရမှာ ဒါကြောင့်လဲ ကြီးကြီးတို့ ကျေးဇူးတွေ ရှိတယ်လို့ပြောတာ ကဲ ကြည့်ပါလား အခု မေမေ့ အကြောင်းပြောရင်းနဲ့ ကြီးကြီးတို့အကြောင်းတွေ ပါ ပါလာပြီလေ ဒါကြောင့် ညီမ က ပြောတာ သက်သက်စီရေးလို့မရဘူးဆိုတာ အကုန်လုံးက ဆက်စပ်နေတာ လေ ခေါင်းစဉ်ကသာ ဖေဖေ နဲ့ မေမေ တပ်ထားတာ ပါတာတော့ အကုန်လုံးပါတယ် အဟီးးး ဒါနဲ့ ဆက်ပြောမယ် ငှက်မ တို့စကားများတယ်လို့တော့ မပြောနဲ့နော် စ ပြီဆိုမှတော့ ပြောချင်တာ အဲလိုမျိုး အဲဒီ အချိန်မှာ ဖေဖေက မရှိဘူး နယ်သွားနေတယ် ကိုကိုလဲ လိုက်သွားတယ် ဒါနဲ့ ဖေဖေက ကိုကို့ကို ပြန်လွှတ်လိုက်ပြီး ညီမ အတွက် ခမည်းထည့်ပေးလိုက်တယ် အဟားးးး ဖေဖေ့ခမည်းကြောင့်ထင်တယ် ဆေးရုံကို နှစ်ရက်ပဲ တက်လိုက်ရတယ် ဒါနဲ့ အိမ်ပြန်ရောက်လာတယ်ပေါ့လေ သူငယ်ချင်းတွေကို မွေးနေ့မုန့်လိုက်ကျွေးမယ်ဆိုတာကို လဲ ဖျက်ပစ်လိုက်ရတယ်လေ လုပ်လိုက်ရင်အဲလိုချဉ်းပဲလေ အထိတ်ထိတ်အပြာပြာနဲ့ သူငယ်ချင်းတွေက ဖုံးဆက်ပြီး လှမ်းမေးကြတယ် ဟဲ့ဘယ်လိုလဲ နေကောင်းပြီလား ဘာညာပေါ့ ဘယ်လိုဖြစ်တာတုံးပေါ့ ဒါနဲ့ပြောလိုက်တယ် ငါလား ပျင်းလို့လေ ဆေးရုံမရောက်ဖူးလို့ သွားကြည့်တာဟယ် မစွံပါဘူး ဆရာဝန်ချောချော လေး တွေလဲ အရှိဘူးလို့ သူငယ်ချင်းတွေကတော့ ရယ်ကြတယ် နင်ဟာလေ ဖြစ်ရမယ် တဲ့ တကယ့်မှတ်မှတ်ရရပါ အဲဒါတွေ ပြီးတော့ ဘုန်းကြီး အရေးအခင်းတွေ ဖြစ်တာလေ ကဲပြောပြန်ရင်လဲ ညီမလွန်တယ်ဖြစ်ဦးမယ် အခုလဲ ဟိုရောက်ဒီရောက် နဲ့ပြောချင်တာ ဘယ်ရောက်မှန်းကိုမသိဘူး

ဖေဖေ့ နဲ့ ညီမအကြောင်းလေး ပြောပြမယ် ညီမက အဖေ့အသည်းလေ သိပ်ကဲတာပါဆိုနေ ငယ်ငယ်က ဖေဖေ ပုခက်လွှဲပေးမှ အိပ်တယ် ဖေဖေ ချော့သိပ်မှ အိပ်တယ် အဲဒီလောက်ထိပါဆိုနေ အဖေကို ပိုကပ်တယ် ငယ်ငယ်ကလေ ဒါနဲ့မေမေ က ဘာပြောလဲဆိုရင် ညည်းက ငါ့ဗိုက်ထဲက ထွက်တာမဟုတ်ဘူး ညည်းအဖေ ဗိုက်ထဲက ထွက်တာ နဲ့ အမြဲပြောတယ် ညီမကလဲ ဟုတ်တယ် သမီးက ဖေဖေ့သမီးလို့ ပြန်ပြောတယ် ဖေဖေကတော့ ရယ်နေတယ် ကြီးမှသာ အမေကို ကပ်ရမှန်းသိတာလေ ငယ်ငယ် က ဆိုရင် အမေ မပါဘဲနဲ့လဲ အဖေနဲ့လျှောက်သွားတာပဲ အဲလိုပါဆိုနေမှ

အငယ်မလေး မွေးတော့ ဖေဖေက ဘာလို့ မိန်းကလေး ဖြစ်နေရတာလဲ ယောက်ျားလေး ဖြစ်လိုက်ပြီးရော တဲ့ ညီမ ကိုတဦးတည်းသော သမီးဖြစ်စေချင်လို့တဲ့ ဒါနဲ့ မေမေ က ဘာဖြစ်လဲ မိန်းကလေး နှစ်ယောက်ဆိုတော့ အဖော်ရတာပေါ့ ဘာနဲ့ ပြန်ပြောထားတာတဲ့ မေမေ ပြန်ပြောပြတယ် ဖေဖေက ညီမလေးကို မချစ်လို့မဟုတ်ပါဘူး ညီမကို တဦးတည်းသော သမီးဖြစ်စေချင်တာ အဲလိုလေ ညီမ က အဖေ့အသည်းဆိုတော့လဲ တမျိုးလုံးတဆွေလုံးက ဘာမှမပြောရဲ ဒီအတိုင်းကြည့်နေကြတာလေ ဒီကြားထဲ ကျန်းမာရေးမကောင်းတာကလဲပါတော့ အဟီ ငှက်မတို့များ ဆိုးချင်တိုင်းကို ဆိုးနေတာလေ အိမ်မှာ ရှိတဲ့  ဖေဖေ့ရဲ့ ရေဒီယို ကတ်ဆက် နာရီ အကုန် ညီမ ဖျတ်တာနဲ့ ပျက်တာပဲလေ ဖေဖေက ဟေးး ဒီ ကတ်ဆက်ဘယ်သူလုပ်တာတုံးး ဒီမှာ ဒီလိုကြီးနဲ့ လို့ အော်ကြီး ဟစ်ကျယ် မေးတယ် ဆိုရင် ဖေဖေ သမီးလုပ်တာ လို့ တခွန်းးတည်းပြောလိုက် အော်အေး ဆိုပြီး လေသံလျှော့သွားရော အမေကဆိုရင် သိပ်ပြောတာ ဒီဖအေနဲ့ ဒီသမီးလိုက်လဲ လိုက်ပါ့ ဆိုပြီး

ညီမဒီလာတော့ မေမေက စိတ်မချဘူး ခရီးဝေးကြီးလေ ညီမ တခါမှ မိဘတွေမပါဘဲ ဘယ်မှ ခရီးမသွားဖူးဘူးဆိုတော့ ပိုဆိုးတာပေါ့ တော်သေးရဲ့ ကိုကိုနဲ့ အတူလာတာဆိုတော့ စိတ်ချလိုက်တာပေါ့နော် မေမေရယ်ပေါ့ ဗီဇာရတော့ သွားသွား အရှုပ်ထုပ် နှစ်ကောင် ငါ့ညီမလေးကို ဒုက္ခသွားပေးကြမယ်ပေါ့ ဘာနဲ့ ပြောပြီးတော့ လေယာဉ်ဆင်းခါနီး ကျတော့ တရှုံရှုံနဲ့ ညီမလေ စိတ်ကို မကောင်းဘူး ဖေဖေ နဲ့ မေမေ ထည့်ပေးလိုက်တဲ့ ပစ္စည်းကို ပြောပါဆိုရင် တော့ ဖေဖေ မေမေ ရယ် ညီမလေး ရယ် အသံသွင်းပေးလိုက်တဲ့ စီဒီရယ် မေမေထည့်ပေးလိုက်တဲ့ စောင်တထည်ရယ်ပေါ့ အဟီးး ရယ်ရတာ ပြောရဦးမယ် ညီမတို့ ဗီဇာဝင်တဲ့ အချိန်တွေ ဖေဖေက နယ်မှာလေ မရှိဘူး ဒါနဲ့ ဗီဇာရတော့ သွားရတော့မယ်ဆိုတော့ ပြန်လာတယ် ပြန်လာတဲ့ လမ်းမှာ ကလေးတွေကို ဆုံးမ စကားတွေ စီဒီ နဲ့ အသံသွင်းထည့်ပေးမယ်ဆိုတဲ့ ရည်ရွယ်ချက်နဲ့ စာအုပ်နဲ့ ဘာတွေပြောမယ်ဆိုတာ ချရေးလာတယ် အဟက် နောက်တော့ အိမ်ရောက်တော့ ဆုံးမစကားခြွေပါလေရော မေမေကတော့ သိပ်မပြောပါဘူး လိမ်လိမ်မာမာနေ ဒီလောက်ပဲ ဖေဖေပဲ အရှည်ကြီး ဆုံးမစကားတွေ ပြောတာ

အဖေ အမေ မောင်နှမတွေ ဆွေမျိုးသားချင်းတွေက ညီမအတွက် ပထမ ဦးစားပေးပါ ပြီးမှ ဒုတိယ တတိယတွေလာပါတယ်

ကဲ ယောင်းမက်လေးရေ အချစ်ဆိုသည်မှာ ဘာလဲ တဂ်ရေးခိုင်းထားတယ်နော် တို့သိတဲ့ အချစ်ကတော့ အဲဒါပဲ သိတယ် ယောင်းလေး ပြောတာနဲ့ ဟုတ်ရဲ့လားမသိဘူး မဟုတ်လဲ ယောင်းရေ ကျေနပ်လိုက်တော့နော်

အမှတ်တရလေးများ (မမဝါမဟုတ်ပါ)

၁၀ တန်းပြီးတော့ ချမ်းမြေ့မှာ ရိပ်သာဝင်တယ်လေ ငယ်ငယ်တုံးကလဲ ဝင်ပါတယ် ဒါပေမယ့် မတူဘူးလေ ငယ်ငယ်တုံးက စာသင်သား စာကျက်ရတာ တရားကတော့ နာရီဝက် ၄ ကြိမ်လောက်ပဲ ထိုင်ရတာ ကျန်တဲ့အချိန်တွေဆိုရင် ညီမတို့လို စာသင်သားတွေနဲ့အတူ စာကျက်ရတာပေါ့ အခုတခါတော့ အချိန်ပြည့်ယောဂီပေါ့ အချိန်တိုင်း ရှုမှတ်မှုမလွတ်စေဘဲ တရားထိုင်ရတာပေါ့ သိတဲ့အတိုင်းရယ် ညီမ က သေးတယ်လေ ဒါကြောင့် ဘယ်သူမှ ၁၀ တန်းဖြေပြီးသားမှန်းမထင်ဘူး ကလေးလေး တရားလာအားထုတ်တယ် ဆိုပြီး ထင်နေကြတာ အဲဒီမှာတော့ အဒေါ်ကြီးတွေနဲ့ အဘွားကြီးတွေပဲ ရှိတာကိုးး ညီမကလဲ တရားထိုင်ရင် အရမ်းအိပ်ချင်တော့ မှောက်မှောက်အိပ်တာပဲ သူတို့ကတော့ ဘာမှမပြောရှာပါဘူး ဘုန်းကြီးကတော့ ယပ်တောင်နဲ့ ခပ်ပြီးလာလာနှိုးတယ် ဟိဟိ ငယ်ငယ်ကတည်းက ဘုန်းကြီးကျောင်းကိုသွားနေကျဆိုတော့ အဲဒီက ဘုန်းကြီးတွေနဲ့ သိနေတာပေါ့လေ ညီမကြောက်တာဆိုလို့ ဘုန်းဘုန်းဦးသောဘိ တပါးတည်း ရှိတာ ကျန်တဲ့ဘုန်းကြီးတွေကို မကြောက်ဘူးလို့ပြောရင် ရိုင်းရာကျမယ် ခင်နေတယ်ပေါ့လေ
ပြောပြချင်တာ ဘယ်ရောက်မှန်းကို မသိဘူး အဲဒီမှာ အဘွားနှစ်ယောက်ရှိတယ် ၁ ယောက်နံမည်က ဒေါ်စန်းလှိုင်တဲ့ အဲဒီအဘွားက သူဌေး မုံရွာမှာ သူ့အိမ်ကြီးမှ အကြီးကြီးပဲတဲ့ ညီမက မသိပါဘူး အဘွားက ရိုးရိုးပဲနေတာ ဆိုတော့ သူနဲ့ခင်ပါတယ် နောက်သူများတွေပြောပြမှ သူထိန်မှန်းးး သိရတာ ဟိဟိ ဒါပေမယ့် သူက နှစ်တိုင်းလာပြီး တရားထိုင်တယ် သီတင်းကျွတ်မှ ပြန်တာလေ နောက်အဘွား တယောက်ကတော့ ဒေါ်ရှုကြည်တဲ့ အဲဒီအဘွားလဲ ချစ်ဖို့ကောင်းတယ်
ညီမတို့ က နေ့လည်ဆွမ်းစားပြီးရင် ခဏနားရတယ်လေ ပြီးတော့ ၁၁.၄၅ လောက်မှ ဓမ္မာရုံသွားပြီးတော့ တရားအားထုတ်ရတာ နေ့လည် ၂ နာရီကျတော့ တရားနာရတာပေါ့လေ ညီမက သိပ်လည်တာ လေ ကိုယ့်အဆောင်ကနေ အဘွားတွေ အဆောင်ကို လျှောက်လည်တာ ပြီးရင် သူတို့ကျွေးတဲ့ မုန့်တွေစားပြီး ပြန်လာတာ အဟိ နေ့ဆွမ်းစားပြီး အဘွား ဒေါ်စန်းလှိုင်အဆောင်ကို သွားတာပေါ့ ဘာလုပ်နေတယ် မှတ်လဲ အဘွားက သူ့အိတ်ကြီး ကို ချုပ်နေတယ်
" အဘွား ဘာလုပ်နေတာလဲ "
" အိတ်ချုပ်နေတာ မြေးရဲ့ "
" မမြင်မကန်းနဲ့ အဘွားရယ် မျက်စိမှုန်ဦးမယ် ဒီအတိုင်းထားလိုက်ပါလား "
" သုံးလို့ရသေးတယ်မြေးရဲ့ " ဒါနဲ့ ညီမလဲ မနေနိုင်တာနဲ့
" ပေးပေး မီးကို ပေး အဘွား မီးချုပ်ပေးမယ် "
" သာဓု သာဓု ငါ့မြေး က သိပ်လိမ္မာတာပဲ "
" အဘွားနော် အဲလိုပဲ ညာညာခိုင်းနေ ဟင်းး ပြောလိုက်ချင်ဘူးး "
" တကယ်ပြောတာ မြေးရဲ့ မြေးက ကောင်းစားဦးမှာ "
" အဲလိုမပြောနဲ့တော့ ဘာကျွေးမှာလဲ "
" လက်ဖက်ရှိတယ်လေ မနေ့က အဘွားနှပ်ထားတာ ရှိတယ် စားမလား "
" အာ အဘွားကလဲ မီး ကလက်ဖက်ကြိုက်တယ်လေ စားမှာပေါ့ " ဆိုတော့ သူကိုယ်တိုင်သုပ်ပေးတယ် အဲလိုခင်နေတာပါဆို အဘွားက အရမ်းချစ်ဖို့ကောင်းတယ် လူချစ်လူခင်လဲ ပေါတယ် ညီမလိုပဲပေါ့ အဟိ
မနက် ဝတ်တက်ပြီးရင် သန့်ရှင်းရေးလုပ်ရတယ်လေ အဲဒါဆိုရင် ညီမက သူတို့နဲ့အတူ ဘုရားပန်းအိုးတွေဘာတွေ ကူလဲပေးတာပေါ့
ဒီလိုနဲ့ တနေ့ နေ့ဆွမ်းစားပြီးတော့ ဓမ္မာရုံမှာ တရားထိုင်နေတုံး မိုးတွေ သည်းကြီးမည်းကြီးရွာတာပေါ့ တရားနာခါနီးကျတော့ အဘွားဒေါ်စန်းလှိုင်ရယ်ပေါ့ ထီးကြီးချိုင်းကြားညှပ်ပြီး
" အဘွားဘယ်သွားမလို့လဲ "
" အခန်းခဏပြန်မလို့ တံခါး ပိတ်ထားမပိတ်ထား မသေချာလို့ သွားကြည့်မလို့ "
" သော့ပေးလိုက်လေ မီးကို မီးသွားကြည့်ပေးမယ် " ဆိုတာကိုမရဘူး သူ ပဲသွားးမယ် လုပ်နေတယ်
" ချော်လဲမယ် အဘွားရ ထားလိုက်ပါ ဘာမှမဖြစ်တဲ့ဟာကို " ပြောလို့ကိုမရဘူး ခေါင်းမာတယ် လူကြီးတွေများ
" ကဲပြောလို့မရလဲ နေ မီးပါလိုက်ခဲ့မယ် " ကြာရင် ညီမ ငရဲကြီးတယ် အဘွားတွေနဲ့နေရတာ ကိုယ် ဂရုဏာဒေါသော နဲ့ပြောမိတော့လေ ဝစီကံပါတယ် ဒါနဲ့ နှစ်ယောက်သား ထီးတချောင်းနဲ့ အဆောင်ကိုလစ်လာခဲ့ကြတယ် ဘုန်းဘုန်းဦးသောဘိက ကြည့်နေတယ် အဲလို နှစ်ယောက်တတွဲလျှောက်လို့ မရဘူး ယောဂီတွေ စကားပြောမှာစိုးလို့ မတတ်နိုင်ဘူးလေ အဘွားကို တယောက်တည်းလဲ လွှတ်ဖို့ စိတ်မချတာနဲ့ ညီမပါ သူ့ကို တွဲရင်းသွားရတာပေါ့ မိုးတွေလေတွေထဲ ချော်လဲ ရင် အသက် ၈၀ ကျော်ရယ် အရိုးတွေက ဆတ်နေတာလေ စိတ်မှမချတာကိုး အဆောင်လဲရောက်ရော သူ့တံခါးက ပိတ်ထားတယ် ဒါနဲ့
" အဘွားလေ သိပ်ကဲတာပဲ သိလား " ဆိုတော့ ရယ်နေတယ် ချစ်ဖို့လဲကောင်းတယ်
ဒါနဲ့ ၁ လနေတော့ ညီမရိပ်သာကနေ ထွက်တာပေါ့
" ပြန်မယ် အဘွားရေ လာလည်မယ်သိလား " အဘွားတို့က မပြန်သေးဘူးလေ သီတင်းကျွတ်လောက်မှ ပြန်မှာကိုးး
" လာလည်နော် မြေး လွမ်းနေမှာ "
" ဟုတ်ကဲ့ပါ အဘွားရ " ဒါနဲ့ ဘုန်းဘုန်းဦးသောဘိ ကို သွားလျှောက်တယ်
" တပည့်တော် ရိပ်သာကနေ ထွက်တော့မယ် ဘုရား "
" အေး ဒီနေ့ တရားဟောတော့ တောင် ကြည့်နေသေးတယ် အကုန်လုံး အဘွားကြီးတွေချည်းပဲ ညည်းတယောက်တည်း ကလေးလို့တောင် ထင်မိသေးတယ် အခုထွက်တော့မယ်ပေါ့ "
" တင်ပါ့ ဘုရား တပည့်တော် သင်တန်းတွေဘာတွေ တက်ရဦးမယ် ဘုရား "
" အေးအေး တနေ့ တရား တခါလောက်တော့ထိုင်ဖြစ်အောင် ကြိုးစား "
" တင်ပါ့ဘုရား "
ထိုင်ဖြစ်ပါဘူး တရား ဘုရားကိုတောင် အနိုင်နိုင် မနက်တကြိမ် ညတကြိမ် ပုံမှန် ခိုးဖြစ်တယ်
ဒီလိုနဲ့ ရိပ်သာကထွက်ပြီးတော့ ၃ ပတ်လောက်နေတော့ အဘွားတို့ကို သွားတွေ့ဖြစ်တယ် အဘွားက အာလူးကြော်ကြိုက်တော့ အဲဒါ ဝယ်သွားပေးလိုက်တယ် နောက်အဘွားတယောက်ကျတော့ ကော်ဖီချိုချဉ်ကြိုက်တော့ ဝယ်သွားတာပေါ့လေ
" မြေးရယ် လွမ်းလိုက်တာ မနက်အာရုဏ် တက်ဖို့ ခေါက်ရင် အဘွားခြင်ထောင်ကို လာသိမ်းပေးဖို့ စောင့်နေတာ ပြီးမှ အော် မြေးမှ မရှိတော့တာ ဆိုပြီး ကိုယ့်ဟာကိုယ် သိမ်းရတယ် " တဲ့ ညီမက အဘွားနှစ်ယောက်ရဲ့ တရားထိုင်ခြင်ထောင်နဲ့ အခင်းတွေကို အမြဲတမ်းသိမ်းသိမ်းပေးတာကို ဒါကို ပြောတာလေ " အဘွားနော် သိပ်ချွဲတတ်တယ် သိလား "
" တကယ်ပြောတာ မြေးရ အဘွားတို့က မြေးကို သတိရနေကြတာ " တဲ့
အဘွားတို့ နေမှ ကောင်းရဲ့လား မသိဘူး အော် ဘာရယ်မဟုတ်ပါဘူး သတိရလို့တင်လိုက်တာပါ ညီမလဲ ဘယ်လိုလဲမသိဘူး အဘိုးကြိး အဘွားကြီးတွေဆိုရင် ချစ်တယ် ဒါနဲ့ residential home (အဘိုးကြီးအဘွားကြီးတွေကို ထားတဲ့ မြန်မာလိုဆိုရင် နှင်းဆီကုန်းဘိုးဘွားရိပ်သာလို ဟာမျိုးပေါ့ ) မှာ အလုပ်လျှောက်ပါတယ် မရဘူး ရတယ် ဘာလဲ သိလား refusal letter နှစ်ခါလျှောက်တာ နှစ်ခါလုံး အဲဒါပေးလို့ စိတ်တိုလို့ အလုပ်မလျှောက်တော့ဘူး အေးတာပဲ

အခုတော့ အလုပ်လက်မဲ့ဗျိုးး သနားရင်အလုပ်လေးဘာလေး ပေးကြပါ ခိခိ

ကျေးဇူးရှင်များ

၁။ ဖေဖေနဲ့မေမေ
နေမကောင်းဖြစ်တိုင်း ဘေးနားမှာ အမြဲပြုစုပေးတဲ့ မေမေလေ ထမင်းဘူးအမြဲထည့်ထည့်ပေးတယ် အဲဒီအတွက် မနက် ၄ နာရီထပြီးချက်ပြုတ်ပေးတဲ့ မေမေပေါ့
ဘာမဆိုလိုချင်တာကို ဖြည့်ဆည်းပေးတဲ့ ဖေဖေ မောင်နှမတွေထဲမှာ ညီမ ကိုအချစ်ဆုံး ဘာလုပ်လုပ်အပြစ်မမြင်ဘူး ခွင့်လွှတ်တတ်တဲ့ ဖေဖေပါ

၂။ ကြီးကြီး(မေမေ့ အမကြီး)
ဒုတိယ မေမေလို့ခေါ်ရလောက်အောင်ပဲ ညီမ တို့မောင်နှမ ၃ ယောက်ရဲ့အကြိုက်ကို သိတယ် ဘာလေးဖြစ်ဖြစ်တူတူမတွေကို ဦးစားပေးပြီး သတိရတတ်တဲ့ ကြီးကြီးပေါ့ ညီမ နေမကောင်းဘူးဆိုရင် ခမည်းလိုတယ်ဆိုပြီး မုန့်တွေဝယ်လာပြီး လာပြုစုတတ်တဲ့ ကြီးကြီးပေါ့ ဘဘကြီး(ကြီးကြီး အမျိုးသား)ကလဲ သူ့တူမအရင်းခေါက်ခေါက်တွေတောင် မချစ်ဘူး ညီမတို့ မောင်နှမ ၃ ယောက်ကို အရမ်းချစ်တယ် ၃ ယောက်လုံး ဘဘကြီးလက်ထဲမှာ ကြီးလာတာလဲ ပါတာပေါ့လေ မမကြီး(ကြီးကြီးရဲ့ သမီး) က တဦးတည်းသော သမီးဖြစ်ပေမယ့်လို့ ကြီးကြီး က အငယ်တွေကို ညှာရမယ်လို့ပြောထားတဲ့အတွက် အမြဲပဲ အလျှော့ပေးပြီး အရာရာကို သည်းခံတတ်တဲ့ မမကြီး တဝမ်းကွဲဆိုပေမယ့် မမကြီးကို အရင်းလိုချစ်တယ်

၃။ ဘဘကြီး (မေမေ့ရဲ့ အကိုကြီး)
မေမေတို့ကို ကျောင်းထားပေးခဲ့တယ် ဘဘကြီးမှာ သားသမီးမရှိပါဘူး အဲဒါကြောင့်လဲပါတယ် ညီမ တို့ကို အရမ်းချစ်တယ် လာတိုင်း မုန့်ဖိုးတွေပေးတယ် ညီမ ကလဲချွဲတာပေါ့ လက်သည်းခြေသည်းညှပ်ပေးရတာနဲ့ အမြဲလာတိုင်း အင်း လက်သည်းတွေက သမီး ညှပ်ပေးဖို့ထားတာ ဆိုပြီး လက်သည်းအညှပ်ခံတဲ့ ဘဘကြီးပေါ့ လက်သည်းညှပ်ပေးနေရင် ငြိမ်ပြီး ပြုံးပြုံးနဲ့ သူ့တူမ လက်သည်းညှပ်ပေးနေတာကို ကြည့်နေတယ်

၎။ အန်တီ
(မေမေ့ ညီမအငယ်ဆုံး အခုညီမ က အန်တီ့အိမ်မှာနေနေတာလေ) နိုင်ငံခြားမှာ ပညာသင်ဖို့ကလေးတွေကို လွှတ်လိုက်ပါ သူ အစစအရာရာ တာဝန်ယူတယ် ကျောင်းထားပေးပါ့မယ်လုိ့ပြောတဲ့အန်တီပေါ့ အန်တီကျေးဇူးကြောင့် ညီမ ဒီကိုရောက်လာတာပါ ပြောတဲ့အတိုင်းပါပဲ အကုန်လုံး လုပ်ပေးတယ် လိုချင်တာ မှန်သမျှပြောရင် ဖြစ်အောင်လုပ်ပေးတဲ့ အန်တီနဲ့ဦးလေး(အန်တီ့အမျိုးသား) ရယ်ပေါ့

၅။ ကျေးဇူးရှင်ချမ်းမြေ့ဆရာတော်
နွေရာသီကျောင်းပိတ်ရင် ချမ်းမြေ့ရိပ်သာသွားပြီး ယောဂီဝတ်တယ် သီလရှင်ဝတ်တယ်လေ ဆရာတော်ဘုရား က ယဉ်ကျေးမှုသင်တန်း ဖွင့်ပေးထားတယ် အသက် ၅ နှစ်ကနေ ၂၀ အထိ ဆရာတော်ဘုရားရဲ့အဆုံးအမကြောင့် မကောင်းမှုရှောင်ပြီး ကောင်းမှုတွေကို ဆောင်နိုင်ခဲ့တယ် အဲဒီသင်တန်းက ဘုရားစာတွေ ကျက်ရပြီး စာမေးပွဲဖြေရတယ်လေ စာမေးပွဲဖြေပြီးရင် ဆုတွေပေးတယ် ဒါနဲ့ နွေရာသီရောက်တိုင်း ဘယ်မှမသွားဖြစ်ပဲ ရိပ်သာပဲသွားဖြစ်ခဲ့တယ် သူငယ်ချင်းအသစ်တွေနဲ့လဲ တွေ့ရတယ် စာတွေကျက်ပြီး ဆုတွေရတော့ ပျော်တာပေါ့

၆။ ဆရာ ဆရာမများ
စာတွေကို တတ်အောင် သင်ပေးခဲ့တဲ့ ကျောင်းကဆရာမများနဲ့ ကျူရှင်က မေမေ့ရဲ့ သူငယ်ချင်းဆရာ ဆရာများ စာမေးပွဲနီးရင် အချိန်ပိုပါခေါ်တတ်ပြီး သင်တဲ့ဆရာ ဆရာမများ စာမေးပွဲဖြေနေစဉ်အတွင်း မုန့်တွေယူလာပြီး အားပေးတတ်တဲ့ ဆရာမများ

၇။ အဘကျော်
ညီမ ၁၀ တုံးက အနေအထိုင်မဆင်ခြင်လို့ လေဖြန်းသွားသေးတယ် ပါးစပ်ရွဲ့သွားတာပေါ့လေ အဲဒါကို ပြန်ကောင်းအောင် နှိပ်ပေးတဲ့ တောင်ဥက္ကလာက အဘကျော် အခုတော့မရှိတော့ပါဘူး ဆုံးသွားပါပြီ ( အဘ ကောင်းရာမွန်ရာရောက်ပါစေ ) အခုတော့ မျက်နှာက ပုံမှန်အတိုင်း ပြန်ဖြစ်နေပါပြီ ဒါပေမယ့် ဆင်ခြင်ရတာပေါ့လေ

၈။ ဆရာလေး မရှမ်း
ရိပ်သာဝင်တိုင်း ဆရာလေးအခန်းမှာပဲ နေတယ် ညီမ က အဲတုံးက ငယ်သေးတော့ အဝတ်တွေဆိုရင် မလျှော်ပဲ ပစ်ထားတာ ဝတ်စရာမရှိမှလျှော် တာ ဒါကို ဆရာလေးက မနေနိုင်တော့ လျှော်ပေးတယ် ဟိဟိ ဒါနဲ့ မေမေက ငရဲကြီးမှာစိုးလုိ့ မလျှော်ပါနဲ့ ဆရာလေး ဆိုပြီးတားထားရတယ် ပြန်လာရင် အိပ်ချင်နေမယ်ဆိုပြီး ခြင်ထောင် ထောင်ထားပေးတဲ့ ဆရာလေးပေါ့ တခါတခါ အာရုဏ်သွားမစားရင် စားဖို့ ယူယူလာပေးတဲ့ ဆရာလေးရယ်ပါ

ဘုရားဟော တရားလို " သူတပါး ကျေးဇူးရှိပေဖူးက အထူးသိတတ်တုံ့ပြန် ဆပ်ခြင်းသည် မင်္ဂလာတပါး ဖြစ်ပါသည် " တဲ့
ကျေးဇူးရှင်များရဲ့ ကျေးဇူးကို တနေ့ပြန်ဆပ်နိုင်မယ်လို့မျှော်လင့်မိပါတယ် အဲလိုပြန်ဆပ်နိုင်အောင်လဲ အထက်ပါ ကျေးဇူးရှင်များသည် (အဘကျော်မှ လွဲလို့ ) စိတ်ချမ်းသာ ကိုယ်ချမ်းသာနဲ့ သက်တမ်းစေ့နေနိုင်ရန် ဆုတောင်းမေတ္တာပို့သ မိပါတော့သည်

ဒီပို့စ်လေးကို ရေးဖြစ်တာက အရမ်းအရမ်းကို သတိရလွန်းလို့ပါ ဒါကြောင့် တောင်ပံ တစုံလိုချင်တယ်လုိ့ပြောတာ :(