ဖေဖေ သို့

" ဒီနေ့ ဘာဟင်းလဲ "
" ကန်စွန်းရွက်ကြော်လေ "
" သမီး မယူချင်ဘူး နေ့တိုင်း ကန်စွန်းရွက်ကြော်ချဉ်းပဲ အသားလေး ဘာလေး ချက်ပါလား မယူဘူးနောက်နေ့လဲ အသားဟင်းမပါရင် မယူဘူး "
" သမီးရယ် ဗိုက်ဆာနေပါ့မယ် ယူသွားပါနော် နောက်နေ့ အဖေ ချက်ပေးမယ် ဟုတ်ပြီလား "
" ဟာ... မယူဘူးဆိုမယူဘူး " ပြောပြီး ကျွန်မ အဖေ့ကို ကျောခိုင်းပြီးထွက်လာခဲ့တယ်
ကျွန်မကိုယ့် ကျွန်မလဲမကျေနပ်ဘူး လူတန်းစေ့မနေနိုင်တာကိုလဲ မုန်းတယ် အဖေ့ကိုလဲ သနားတယ် ဒါပေမယ့် ကျွန်မ အဖေ့အပေါ်ကို ဆိုရင် ဆိုးတာ လဲ သိတယ် မမြင်ဖူးတဲ့ အမေကိုလဲ မုန်းတယ်
အဖေပြောပြချက်အရ အဖေက အမေတို့အိမ်မှာ ဒရိုင်ဘာလုပ်တာ အမေနဲ့ ချစ်ကြိုက်ပြီး ခိုးပြေးတာတဲ့ နောက် ကျွန်မကို ရလာတော့ အမေတို့ ဘက်က အမေ့ကို ပြန်ခေါ်သွားတယ်တဲ့ ကျွန်မလေ အမေ့ကိုလဲ မုန်းတယ် ပြန်သွားတာ ဘာလို့ ကျွန်မကို မခေါ်ပဲ အဖေ့ဆီမှာထားခဲ့လဲ အခုတော့ ကျွန်မ ဆင်းဆင်းရဲရဲ နေရတာပေါ့ လူများတွေ ဝတ်သလို ကျွန်မလဲ ဝတ်ချင်တယ် စားချင်တယ် အခုတော့ အဖေ က ဆိုက်ကားနင်းပြီး ကျွန်မကို ကျောင်းထားပေးတယ် အဖေ့ကို ကျွန်မ ချစ်ပါတယ် ဒါပေမယ့် ကျွန်မလေ ကိုယ့်ဘဝကို မကျေနပ်ဘူး

နေ့ခင်းထမင်းစားချိန် ကျတော့ ကျွန်မ ဗိုက်အရမ်းဆာတယ် ထမင်းဘူးလဲ ယူမလာခဲ့ဘူး ဝယ်စားစရာ ပိုက်ဆံလဲမပါဘူး
ကျောင်းပြန်တက်တော့ ဆရာမက စာအုပ်ဖိုးတွေ ပေးဖို့ ပြောတော့ ကျွန်မ ပြာသွားတယ် ဟုတ်ပါရဲ့ အဖေ့ဆီက မတောင်းခဲ့မိဘူး ကျွန်မနံမည် ခေါ်တော့ ဆရာမဆီသွားပြီးတော့
" ဆရာမ သမီး မေ့ကျန်ခဲ့လို့ နောက်နေ့မှ အဖေ့ဆီက တောင်းခဲ့မယ်နော် " ဆရာမက မျက်လုံး တချက်လှန်ကြည့်တယ် ပြီးတော့
" စုမွန် နင်လေ အမြဲတမ်း အဲဒီလိုချဉ်းပဲ သွားသွား မနက်ဖြန်ပါအောင် ယူခဲ့ " အဲဒီလိုပြောခံရတော့ ကျွန်မရဲ့ ဒေါသတွေ အထွတ်အထိပ်သို့ရောက်သွားခဲ့တယ် နောက်ပိုင်း သင်တဲ့ စာတွေလဲ ကျွန်မ စိတ်မဝင်စားတော့ဘူး

" ဒီနေ့ ဘာဟင်းလဲ "
" ငါးသလဲထိုးလေး ချက်ထားတယ် သမီး ထမင်းဘူး ယူသွားနော် " ကျွန်မလဲ ဆတ်ခနဲ လှမ်းယူပြီး ခြေဆောင့်ကာ ထွက်လာခဲ့တယ်
" ဟွန်းးးးး အစကတည်းက အဲလို အသားဟင်းလေး ဘာလေး ချက်ပါလား " ဆိုပြီး စိတ်တိုစွာ စဉ်းစားနေမိတယ်
ဆရာမကို စာအုပ်ဖိုးတွေလဲ ပေးလိုက်တယ် ကျွန်မ အဖေ့အကြောင်း ဆက်စဉ်းစားနေမိတယ် အဖေက အခုတလော ကြည့်ရတာ အရင်ကလောက် တက်တက်ကြွကြွ မဟုတ်သလိုပဲ ကျွန်မ အရမ်းဆိုးလုိ့ အဖေ စိတ်မကောင်းဖြစ်တာလားမသိဘူး ကျွန်မကလဲ ဒေါသထွက်စရာ လူမရှိတော့ ဒေါသတွေ အကုန်လုံးကို အဖေ့ပေါ် ပုံချပြီး ပြောချင်ရာပြောတာကိုး ကျွန်မ မကောင်းမှန်းလဲသိတယ် ဒါပေမယ့် ဒေါသထွက်တိုင်း မထိန်းနိုင်ပဲ အဖေ့ကို ပြန်ပြောမိနေတယ် ကျွန်မ ဆင်ခြင်တော့မယ် လို့ စဉ်းစားလိုက်တယ်

ဆရာမကပြောတယ်
" ဒီတပတ် ပြည်ကို ၂ ညအိပ်ခရီးသွားမယ် လိုက်ချင်တဲ့လူ ပိုက်ဆံ ၁ သောင်းခွဲ ဆရာမဆီမှာ လာပေးထား " တဲ့ ကျွန်မ အရမ်းပျော်သွားတယ် တခါမှ ခရီးမသွားဖူးဘူး ကျွန်မ သိပ်သွားချင်တယ် ချက်ချင်းပဲ ကျွန်မ စိတ်လဲမကောင်းဖြစ်သွားတယ် အဖေ အဲဒီပိုက်ဆံကို ပေးနိုင်ပါ့မလား ဆိုပြီး ပူပန်သွားတယ် မပေးနိုင်ရင်ရော အို... မပေးနိုင်ရင် အဖေ့ကို တခြားတနေရကနေ ချေးခိုင်းမယ် ဆိုပြီး အိမ်ရောက်တော့ အဖေ ပြန်မရောက်သေးဘူး ဒါနဲ့ ထမင်းချက်ပြီး အဖေ ပြန်အလာကို စောင့်နေလိုက်တယ် ဟင်းက အဖေပြန်လာမှ ချက်မှာကိုး အဖေပြန်လာတော့ အဖေက
" သမီးရေ ဒီနေ့တော့ သမီးအကြိုက် ငါးဟင်းလေး အဖေဝယ်လာတယ် သိလား " ဆိုပြီး ဝယ်လာတဲ့ ငါးဟင်းထုတ်ကို ကျွန်မကိုလှမ်းပေးတယ် ဘယ်ကပိုက်ဆံနဲ့ ဝယ်လာတာလဲ ဘာလဲ မေးမနေတော့ဘူး ကျွန်မလဲ ပန်းကန်ထဲထည့်ပြီး သားအဖ နှစ်ယောက် ညနေစာကို မြိန်ရေယှက်ရေ စားကြတယ်
ထမင်းစားပြီးတော့ ကျွန်မက အဖေ့ကို
" အဖေ ကျောင်းက ဒီတပတ် ပြည်ကို လေ့လာရေးသွားမယ်ပြောတယ် အဲဒါ ပိုက်ဆံ ၁ သောင်းခွဲပေးရမယ်တဲ့ ၂ ညအိပ်ခရီးတဲ့ " ကျွန်မအဖေ့ကို လှမ်းကြည့်လိုက်တယ် မသွားပါနဲ့ သမီးရယ် အဖေ့မှာ အဲဒီလောက် ပိုက်ဆံမရှိဘူး ပြောရင် ကျွန်မ အဖေ့ကို ပြန်ပြောဖို့ ဟန်ပြင်နေလိုက်တယ် အဖေက
" အေးအေး သမီး ဘယ်တော့လောက် ပိုက်ဆံပေးရမလဲ သေချာ ဂရုစိုက်သွားနော် သမီး ဆရာမတွေ ပါတော့ စိတ်တော့ချရမှာပါ ဘုရားစာ ရွတ်သွားနော် " တဲ့ ကျွန်မ အံ့သြသွားတယ် အဖေ ဘယ်က ပိုက်ဆံနဲ့ ပေးမှာပါလိမ့် ထားပါလေ ကျွန်မစဉ်းစားဖို့မလိုဘူး ပေးမယ် ပြောပြီးသားပဲ ဒီတော့ ကျွန်မသွားရုံပေါ့ ဒီလိုကျတော့လဲ လောကကြီးက သာယာသားပဲ အဟားးးးးးးးးးးး

ဆရာ ဆရာမတွေ သူငယ်ချင်းတွေ နဲ့ တခါမှ ကျွန်မ ခရီးမထွက်ဖူးဘူး ပျော်လိုက်တာ သူငယ်ချင်းတွေနဲ့ ဟေးလားဝါးလား နောက်ပြောင်ကျီစယ် ကာ ၂ ရက်ဆိုတဲ့ အချိန်ဟာ ကုန်မှန်းမသိ ကုန်သွားခဲ့တယ် ကျွန်မအိမ်ပြန်ရမှာ သိပ်တော့မကြိုက်ဘူး အိမ်မှာ ပျော်စရာလဲမရှိ နဲ့ ဒါပေမယ့် ကျွန်မ အိမ်ပြန်လာခဲ့ပါတယ် အိမ်တံခါးက ခပ် ဟဟ လေးဖွင့်ထားတာနဲ့ တွန်းပြီးဝင်လာခဲ့လိုက်တယ် ဟင် စောစောစီးစီး အဖေ ပြန်ရောက်နေတာလားမသိဘူး ဆိုတဲ့အတွေးနဲ့ အိမ်ထဲ ဝင်လာခဲ့လိုက်တယ် အိမ်ထဲရောက်တော့ အနံ့တမျိုးကို ရတယ် ဘာအနံ့မှန်းမသိတဲ့ ပုပ်အဲ့အဲ့ အနံ့
" အဖေ " လို့ခေါ်လိုက်တယ် အဖေက ပြန်မထူးဘူး
ဒါနဲ့ အဖေ့အခန်းထဲ ဝင်လိုက်တော့ အဖေက မလှုပ်မယှက်နဲ့ အိပ်ယာပေါ်မှာ လဲလျောင်းနေတယ် ဒါနဲ့ ကျွန်မလဲ အနားတိုးပြီး
" အဖေ သမီးပြန်လာပြီ " လို့ လှုပ်ပြီး နှိုးလိုက်တော့ အဖေ့ရင်ဘတ်ပေါ်တင်ထားတဲ့လက်က ပြုတ်ကျပြီးစာရွက်လေး တရွက် ထွက်ကျလာတယ် ဒါနဲ့ ဖတ်ကြည့်လိုက်တော့ လက်ရေး ရွဲ့စောင်းစောင်းနဲ့ ရေးထားတဲ့ အဖေ့ရဲ့စာ...

သမီးလေးရေ ဖေဖေ့ကို မုန်းနေလားဟင်
သမီးကို လူတန်းစေ့မထားနိုင်တဲ့ ဖေဖေ့ကိုလေ
ဖေဖေ အတ္တကြီးတယ် သမီးရယ်
သမီးအမေက သမီးကို ခေါ်သွားမယ်လုပ်တော့ အဖေက သမီးကို ချစ်လွန်းလို့ ကိုယ်တိုင် ကျွေးမွေးစောင့်ရှောက်ချင်လို့ သမီးအမေ လက်ထဲမထည့်လိုက်တာ
အခုတော့ သမီးလေး ဆင်းဆင်းရဲရဲ နေရပြီ အဖေက သမီးကို ပညာတတ်ကြီး ဖြစ်တဲ့အထိ ကျောင်းထားချင်တာ
ဒါပေမယ့် ဖေဖေ ကံကြမ္မာကို မလွန်ဆန်နိုင်ဘူးကွယ်
ဖေဖေ့မှာ အသည်းခြောက်တဲ့ရောဂါ ရနေခဲ့တာ သမီး စိတ်ပူမှာစိုးလို့ဘာမှမပြောတာ
အဖေ ရောဂါ ခံစားနေရတဲ့အချိန် သမီးကြည့်ပြီး စိတ်မကောင်းဖြစ်နေမှာ အဖေမလိုလားဘူး
အခုတော့ ကောင်းပါတယ် သမီးရယ် အဖေ့ရဲ့နောက်ဆုံး ခရီးကို သမီး မတွေ့လိုက်ရဘူးပေါ့ မဟုတ်ရင် သမီး စိတ်မကောင်းဖြစ်နေမှာ
ဒီိအောက်မှာ သမီးအမေ လိပ်စာရှိတယ် သွားပြီးတွေ့လိုက်နော် သူက သမီးကို မှတ်မိပါတယ်
သမီးလေး အခုချိန်ကစပြီး ဆင်းဆင်းရဲရဲ မနေရတော့ဘူးနော် သမီးလေး ပျော်ရွှင်ပါစေ ကွယ်
သမီးကို ချစ်တဲ့ ဖေဖေ
ကျွန်မမျက်ရည်တွေ အတားအဆီးမရှိ တလဟော စီးကျလာခဲ့တယ်
" အဖေ အဖေ သမီးကို ထားမသွားနဲ့လေ အဖေရယ် ထပါဦး သမီးလိမ္မာပါတော့မယ် အဖေရယ် နောက်ကို အဖေ့ကို ပြန်မပြောတော့ပါဘူး အဖေရယ် သမီးကို ထားမသွားပါနဲ့ အီးးးးဟီးးးးးး "
ကျွန်မပြောနေတဲ့စကားလုံးတွေကို အဖေ ကြားမှ ကြားနိုင်ပါ့မလား....

သူငယ်ချင်း မီးတောင်လေးက ဖေဖေသို့လဲ လုပ်ဦးလေ ဆိုလို့အဟီးးးးးး မကောင်းလဲ သည်းခံဖတ်ကြပါရန်
ဖတ်ဖူးတဲ့ ကိုရီးယားဝတ္ထုလေးကို အခြေခံပြီး ရေးဖွဲ့လိုက်ပါတယ်
ဒီဇာတ်လမ်းလေးဖြင့် အားလုံးကို ခေတ္တ တာ့တာ လို့ နှုတ်ဆက်လိုက်ပါတယ်နော်